Mizo Theological Forum

“Ritphurh inchhawk tawnin” tih hi Pathianin min kohna a ni ve tlat mai a. Pathianin min kohchhuah atang hian mi dangte harsatna hi ka phur ve nasa thin a, chu chu a chang chuan ka phur zo lova, ka chauhpui chang a tam hle thin a. Pathian hnenah chakna hi nitin vawi tam tak ka dil thin a ni. Lal Isua, kan sualte, kan lungngaihna leh kan rit min phurhsaktu hi pan nachang hre lova mahni finna leh theihnaa mahni leh mahni inchhawk kan tum fo thin a. Lal Isuaah chuan hahdamna a awm a, chuvangin, eng ang pawhin i rilru lo hahin, lo chau thin mahla, Lal Isuan englai pawhin a chhawk duh che, amah pan mai rawh. Read more »

Mizo Theological Forum hian Good Friday atang khan phum ang maiin a awm a, Easter – Thawhlehni hmel reng a hmu thei lo. Penticost ni a lo thlen meuh chuan Pathian thlarau thianghlim tihharhin a rawn chhunzawm thei hi a lawmawm a ni. Read more »

Ka tui a hal e, a ti a (Jn. 19:28)

Lal Isuan kan chhandamna atana a inpekna man tam zia hi keini ringtute chuan kan chhut thiam pha lo, kan ngaihtuahna leh kan taksa hian a hrethiam pha lo zawk. Lal Isua chu a mihrinna, mihringa lo piang, mi pangngai ang, na tuar thei, lungngai thei, riltam thei, tuihal thei, a lungngaihna avangin a thlan thisen anga far a ni a. Read more »

Ka Pathian, ka Pathian, engah nge min kalsan? (Mt. 27: 46, Mk. 15:34)

Lal Isua thihna kotlang an rah meuh chuan a mangang a ni. A thihni hi a pa Pathian remruatna a ni tih a hrechiang em em a, a kawng pakhat mah Pathian thu lovin a awmlo a ni tih min hriattir. Read more »

Isua aw ring takin a au va, “Ka Pa, I kutah ka thlarau ka kawltir e,” a ti a (Lk. 23:46)

Hei hi Lal Isuan Kraws lera a thusawi hnuhnung ber chu a ni. A pa Pathian hnena a inkawltirna hi a ropui em em a, a va thuk tak em. Pathian chuan a tuarna zawng zawngah a thlahthlam ngai si lova, a lang a pauin Pathian thiltihtheihna hmuh turin lang lo mahse, Lal Isua ngei chuan a pa Pathianin a tuarna zawng zawngah a awmpuiin ahriatpui vek a ni tih a chiang em em a. Hei hi thlaphang aw a ni thei loving, lawmna aw, thlamuanna aw ni hian ka hre thin. Read more »

A kin ta, a ti a, a lu a kun a, a thlarau a thlah ta a (Jn. 19:30)

Lal Isua chuan he khawvela a lokal chhan chu a hlen ta, a pa duhawng tih chu a hlenchhuak ta, engkim peih vek a ni, a tawp ta. He tawpna hi thuawihna nun tawp, Pathian Hmangaihna thuk mai, thisena lei kan nihna, tlanna man to kan neih zia tihfamkimna a ni. Read more »

Ka Pathian, ka Pathian, engah nge min kalsan? (Mt. 27: 46, Mk. 15:34)

Lal Isua thihna kotlang an rah meuh chuan a mangang a ni. A thihni hi a pa Pathian remruatna a ni tih a hrechiang em em a, a kawng pakhat mah Pathian thu lovin a awmlo a ni tih min hriattir. Read more »

Hmeichhia, en teh, i fapa kha! En teh, i nu kha (Jn. 19:26-27)

Lal Isua leh a nu rawngbawl dunna chu Kana khuaa inneihna hmuna tui wine-a a chantirna hmun atanga intanin Krawsa a thihni thlengin tihnghin a ni ngai lo a ni. hmunah rawngbawlna kan chhut chuan mi tam tak an lo lang a. Lal Isua tuarna, hmuhsitna leh endawngna, dawta sual tinrenga an hekna hunte a hretu a ni a. Lal Isua nu lungngaih dan turte, a thinrim dan turte, mualphona leh manganna hmun a paltlang dan turte, a fapa a lainat dan turte kan hre thiam ve awm e. “Ngai teeh, he naupang hi Israel zinga mi tam tak tiral tur leh din chhuahtir tura ruat a ni, miin an sawisel tur chhinchhiahna nen (Lk.2:35), Simeonan a lo hmuh lawk chu a lo thleng dik ta a ni. Lal Isua hun hnuhnung ber hmanpuitute zingah chuan a ma nu Mary te, Mary Magdalene te, Klopa nupui te an ni a. ‘I fapa kha’ a tih hian a ma nu ngei a sawina niin an ring a, ‘en teh, i nu kha’ a tih hian a zirtirte, a bikin Johana a sawina niin ngaih a ni. Read more »

Tih tak meuhvin ka hrilh a che, vawiinah hian ka hnenah Paradis-ah i awm ve ang (Lk 23:43)

Lal Isuan he thu, lei leh van hawltlang, Chatuan Nunna thu, a ruala misual an khenbeh ve, a ding lama mi hnena a sawi a ni a. Ka chan ve nia ka hriatna atang hian ka lawm em em a, kei misual, mahni felna neilo, dawt emaw dawt lo emaw pawha sual tinrenga an hek thin tan chuan ‘Nunna Thu’ a thar hian a ni ringawt mai. Ringtute nun kawng hi a awlsam lova, sualin nitin min bawm a, a chang chuan keimahni fin tawk lohna, bawhchhiatna in min buala, a chang chuan midangte sualna leh nawmnahna zawk hian min tibuai fo thin a ni. Read more »

Ka pa, ngai dam rawh an thiltih sual an hrelo a nih hi (Lk. 23:34)

Lal Isuan Kraws chunga a thusawi pasarihte hi Kohhran tam berte chuan Good Friday ni hian sermon pasarih an thlak thin a. Keini Zoram Kohhran leh Zofate chuan kan ching em em lo. Hei hi tawngkam mai ni lovin thinlung chhungril ber atanga irhchhuak anih avangin a ropui em em a ni. Lal Isua chuan amah khengbettute chu huatna leh phuba lak duhna a nei lova, an thiltih a tak leh mawlna avanga Pathian leh a fapa Isua Krista, khawvel Chhandamtu an khengbet erawh chu khawvel thilthlengah hian a pawi ber mai awm e. Read more »