Mizo Theological Forum

Senate of Serampore Convocation February 6, 2010-a United Theological College, Bangalore a neih chuan Mizoam Presbyterian Kohhrana Church Historian Rev. Lalchhuanliana chu degree zahawm Doctor of Divinity a pe a. Rev. Lalchhuanliana hian a penson thlengin Mizoram Presbyterian Kohhranah nihna hrang hrang – Pastor, ATC Principal, Moderator leh Senior Executive Secretary hnate lo chelh tawh a ni a. Lehkhabu ziak mi a ni a, lehkhabu 20 chuang a lo ziak tawh bawk a, hei bakah article tam tak a ziak tawh bawk a ni. Kohhran tan, ram tan leh Khawtlang tana mi puitling, mi tangkai leh thawhhlawk tak mai a nihna hi hriatpuina (recognition) a ni. He D.D. degree hi a hlu hle a, Mizo Zingah chuan a hmu tawhte chu – Presbyterian Kohhran atangin – Rev. Dr. Zairema, Rev. Dr. Lalngurauva Ralte, Rev. Dr. Lalsawma, Rev. Dr. C.Pazawna, Pu Khuanga te an ni a. Baptist Kohhran atangin – Rev. Dr. H.S.Luaia, Rev.Dr. K.Thanchungnunga, Mara kohhan atangin-Rev.Dr.T.Laikai, Kuki Baptist Church atangin Rev.Dr. T. Lunkim leh EFCI atangin Rev. Dr. Ruolneikhum te a ni.

Theological degree hrang hrang, Doctor of Theology, M.Th, B.D. leh B.Th, degree latu chu mi 689 an ni a. Heng bakah hian B.C.S. (Bachelore of Christian Studies) latu mi 339 an awm bawk a, Diploma Certificate latu mi 63 an awm bawk a. Mi 1091 lai Pathian rawngbawl tura inpeih thar an awm hi a ropui hle mai, Pathian hausakzia leh a ropuizia tilangtu niin a lang.