By MTF Study Team
November 7, 2005 kha Mizorama ni pawimawh a ni reng tawh ang. Mizorama ramsa vang tawh tak, Dulte ram kawngpui bul vela khawsa \hin chu November 7, 2005, chawhma dar 11 velah rawng taka kahhlum a nih kha. He hauhuk, mihringte kut hlei tuara thi ta hi kawngpui bulah a khawsa ber a, mihringin an koh chuan an thilpekte a lo la \hin a. Chutianga a ngam taka lo enkawla lo khawitute, Dulte leh Kawlkulh YMA members an fakawm hle. He hauhuk vuina inkhawm hi Dulte Village Council leh YMA-in a huiahawt a, khaw chhung in tinah puandum an zar a, school khar vek a ni a, tumah dawr hawng leh feh chhuak an awm lo. Pastor-in a vui a ni nghe nghe a ni.
Dulte khuain an Hauh Tunah kum kumte a lo vei ta bawk a, ngaihtuhna fim zawkin kan sawi ho thei taw hang chu maw! Khai le, zawhna pawimawh tak chhan tur a awm: • Khawpui mite aiin thingtlang miten ecological awareness an nei hle zakw a ni thei ang em? Eng le khaw le, kha Hauhuk thih champha vawi li-na chu a lo thleng dawn e!
• Hauhuk chunga Dulte khawm mipui chet dan kha khawvel hnenah thiam takin puangzar ta ila, khawvel mak tih khawpa thil ropui a tling ve hial em? India rama Chipco Movement an tih aiin eng nge a ropui loh bikna chuan?
• Noveber 7 hi “Environment Day” atana kan puan duh hun a lo la thleng a ngem? Nge, thilnung chi khat ve mai, khati chiam chiama sawngbalw a tul lo kan la ti fan zawk?
November 4th, 2009 at 4:06 pm
[...] Read more at Mizotheologicalforum.com [...]
November 4th, 2009 at 5:44 pm
Kei chu Dulte khua hian Pathian leh kan Ram tan thil ropui tak an ti niin ka hria.2005 News ah khan ka lo en ve a.ka rilru a na tak zet a ni.Sorkar poh hian environment hrim hrim humhalhna kawngah hian hei ai hian hma la nasa lehzual se ka va ti em.khualzinte tiuhlimtu ber hetianga rawng taka that tu hi chuan a hmuh tur ang chu a hmu ve tur a ni.tih hi ka ngaihdan a la ni reng. rilru a la fim thei chiah lo a ni.
November 4th, 2009 at 9:59 pm
Dulte Hauhuk thla la tur ringawtin Kawlkulh Wayside Restaurant-ah khan ka han riak a. A tuk zingah, vai pathian thawhhma a thovin Hauhuk thla hi ka zuk la a — nuam ve mai mai khawp mai! Zingdaifim dawng chungin, zing boruak thiang hnuaiah Dulte Hauhuk thla kha vawi 20 chuang zet ka hmet a. Roh takin ka dahtha zui ta hlawm nghe nghe a.
Mahse, vanduaithlak takin a hnu lawkah tu (mimawl thluakthawl luhlul sual bawk si!) emawin chu Hauhuk pawisawilo chu a rawn kaphlum ta ringawt mai a! Rilru a tina vang vang viau mai…
Dulte khawtlangin an bawihsawm zui dan kha ‘over’ lo ti deuh awm mahse, kei chu tha ka ti ve tlat. Mipuite hnenah an chetdan khan a tha zawngin thu tam tak a sawi zui ngei ang.
November 4th, 2009 at 10:01 pm
Thilsiam zawng zawngte chuan Pathian fate lo lan hun tur chu nghakhlel takin an thlir mek a. ‘Pathian Fate’ zingah hian Mizo Kristiante pawh hi kan tel ve a hun tawh hle! Chanchintha kan dawn champha kum 100-na GOSPEL CENTENARY thupui kha Gospel for All tih a nih kha, kan la hre reng emaw? Mizo tawngin heti hian lehlin a ni kha lawmawm ka ti thin — ‘Thilsiam zawng zawngte hnena Chanchintha’
‘Mi zawng zawngte hnena Chanchintha’ ti a lehlin a ni lo khan ‘Hauhuk mai mai’ te pawh Pathianin duh taka a siam, a hmangaih ngawih ngawihte zingah an tel ve tih a tharin min hriattir a, lawmawm ka ti hle a ni.
November 4th, 2009 at 10:49 pm
Hauhuk mai a ni lo,ramsa dang leh ramngaw kan humhalh telh telh a ngaih mai bak ah, a awmsa kan siam belh angai!Aizawl a tang a hla vak lo ah hian ka pu(pa pa)te a tang a huan, kan in rochun zau tak mai kan nei a,thing te kan phun belh a, a awmsa nen!sava chi hrang2 leh ramsa tenau deuh an tam tawh khawp mai.mahse,tuten emaw an lo kap (ru) thin a,pawi ka ti tak zet a ni.Ka unau pa neih chhun min boral san ta hriatreng nan a, Bung thing(polypot)Rs400/ lai a kan lei,kan phun, min lo phawi ruksak bawk a!lung a hnur duh hle mai!Mizo te hian zirtur hi kan va lah ngah tak em!kan ti ringawt mai!!
November 5th, 2009 at 11:59 am
Aw,Hukte, damlai rial chan ni khan
Zoram hi a ngui ruai asin!
Harh tho leh ta, dulte rampui chuan ta che,
I nun i hlan ta, khuarel zawng tan;
Haute, min ngaidam ang che aw,
Kan thiam lo a ni.
A ang ve fu em! Khawpui mi, inti changchang nazzawng aiin thingtlang mite ecological wareness level hi sang zawk fein ka hria, kei chu. Ka lawm e.
November 5th, 2009 at 4:24 pm
Dulte hian an ti mah mah deuh lo maw. An lanchhuah tir tum tak hi heti lo deuh hian tih dan a awm ka ring. Mihring ang em a Pastor in a vui hi chu ka ti deuh. hauhuk an humhalh erawh ka thlawp tho a.
November 8th, 2009 at 9:17 pm
Dulte Hauhuk hian sawi a hlawh a, a pawimawh hle niin ka hria a. A pawimawh nachhan nia ka hriat chu ‘zirtir’ a neih vang a ni. Dulte khua ang hi zoramah hian kan tam ka ringa, Dulte khua lo vanduaina hi a langsar mai ni pawhin a lang. A nihna takah chuan mipui thinlungah rannung, ransate humhalh kan lo duh tawh hle tih a hriat a, tetea te ang pawhin a thla la tur ringawtin a zin phah te hian zirtir a nei hle in ka hria. Zo khaw tam ber hian kan ramhnuaiah ransa eng ang nge kan la neih? savate chi engzatnge kan la neih, sairawkherh leh saihlum nena veh dun dun hi kan la tam lo maw? Dulte khua atang hian zirtur kan nei
November 9th, 2009 at 10:19 pm
Dulte khuaa miten an ramsa an duata an humhalh tlat ang hian Mizorama khuate hian kan ramsa hi humhalh ni ila chuan kan ram hi a nuam ngawt ang. Tin, kan rama sava leh ramsa hi thenkhat phei chu mang vek thei dinhmunah an ding tih kan hriat a tul. Ka duh dan tak phei chuan heng savate ngei pawh hi naupang chhiar atan lehkhabu buatsaih a: a lem te, a hram dan a, a ei duh zawng te nena tarlan chi niin a hria. Thangtharho hian kan savate hi kan hre lo khawp mai. ram dangah kal ila, miin,”In ramah eng savate nge awm?” tiin min lo zawt ta se, sawi tur hre lo, inti changkang ve si kan tam ngawt ang, te ka lo ti ve mai mai a…